Uptober қайта ойында

BTC/USD

Негізгі аймақ 117,500 – 121,500

Buy: 121,500(118,500– ге дейін түзетуден кейін қайта оралу кезінде); нысана 123500– 125,00; StopLoss 120,500

Sell: 117,500 (Күшті теріс негізде) ; нысана 115,000– 113,500; StopLoss 118,500

Криптовалюта нарығы өзінің құбылмалылығымен талайларды қорқытады, бірақ жыл сайын қазан айы тұрақты өсу үрдісін көрсетіп келеді. Дәстүрлі түрде осы айда биткоин мықты нәтижелер көрсетіп, бүкіл криптонарықты ілгерілетеді.

Uptober мемі алғашында BTC– дің сәтті қазан айындағы динамикасын ирониялық сипаттау ретінде пайда болып, тез арада кәсіби чаттардың шегінен асып кетті. Бүгінде Uptober – жыл сайынғы өсім күтулерінің рәсімі: айдың басы «бұқа нарығы» жайлы сауда идеялары мен болжамдардың толқынымен басталады.

Алғашқы маңызды Uptober 2013 жылы болды: биткоин бір айдың ішінде 60%– ға қымбаттады. 2014 жылы қазан теріс аяқталды – BTC шамамен 13%– ға төмендеді, басқа токендер 8–10%– ға құлдырады. Содан бері тек бір рет, 2018 жылы қазан айы төмендеумен аяқталды, ал қалған кезеңдер (тіпті пандемия кезінде де) сенімді өсім көрсетті:

• 2015: +33.5%,
• 2017: +47.8%,
• 2020: +27.7%,
• 2021: +39.9%,
• 2023: +28.5%.

Неге дәл қазан айында крипто өседі?

Жауап нарық психологиясында жатыр. Қыркүйек әдетте тоқсан және тоғыз айлық нәтижелер бойынша пайданы фиксациялаумен аяқталады, бұл бүкіл нарық котировкаларына қысым жасайды. Хеджирлеу құралы ретінде криптовалюталар да қиналады. Соның салдарынан қазан жаңа бастау және бұрылыс нүктесі ретінде қабылданады. Инвестқорлар, трейдерлер, холдерлер жыл аяқталмай тұрып бұрылыс күтеді, сондықтан әрбір фундаменталды фактор сатып алу пайдасына түсіндіріледі, ал кез келген оң динамика топтық психология есебінен қосымша серпін алады.

АҚШ– та корпоративтік есеп беру маусымының басталуы да маңызды рөл атқарады. Институционалды инвесторлар жылдық бонустар және ықтимал жыл соңындағы ралли алдында портфельдерін қайта құрып, тәуекел активтерге қызығушылықты арттырады. ФРЖ мен басқа орталық банктердің отырыстарын қоса алғанда, макроэкономикалық факторлар да оптимизмді күшейтеді.

Бүгінде Uptober тек статистика мен белсенді спекулянттар емес – ол криптомәдениеттің элементіне айналды. Әлеуметтік желілерде #Uptober хэштегі бар посттар дәстүрге айналды, ал трейдерлер мен холдерлердің энтузиазмы нарықта Розенталь эффектісін жасайды: өсімге деген ұжымдық үміт өзін– өзі ақтайтын пайғамбарлыққа айналады. Ал биткоин «өсуге мәжбүр» – өйткені барлығы табыс алғысы келеді.

Қазір фундаменталды факторлар мен криптокеңестің көңіл– күйі алдағы Uptober– 2025– тің де елеулі нәтижелер беру ықтималдығын жоққа шығармайды. Бірақ тек нарыққа мұқият әрі құрметпен қарасақ қана.

Сондықтан ақылмен әрекет етіп, босқа тәуекелге бармаймыз.

Баршаңызға пайда тілеймін!